ELM VƏ TƏHSİL


Ümummilli liderin anadan olmasının 99-cu ildönümünə həsr edilmiş şahmat festivalı başa çatıb

Bakı, 6 may, AZƏRTAC

Mayın 6-da ümummilli lider Heydər Əliyevin anadan olmasının 99-cu ildönümünə həsr edilmiş və şagirdlər arasında keçirilmiş respublika şahmat festivalının mükafatlandırma mərasimi baş tutub.

Təhsil Nazirliyindən AZƏRTAC-a bildirilib ki, respublika şahmat festivalında ümumilikdə 43 rayon (şəhər) üzrə ümumtəhsil məktəblərindən 123 oğlan, 102 qız olmaqla, ümumilikdə 225 şagird iştirak edib. Beş gün davam edən festivalda məktəbli şahmatçılar 2-ci, 3-cü, 4-cü siniflər üzrə və komanda hesabında mübarizə aparıblar.

Yarışın nəticəsinə əsasən, 6 nəfər I, 6 nəfər II, 6 nəfər III yeri, komanda hesabında isə 1-ci yeri Sumqayıt şəhəri, 2-ci yer Gəncə şəhəri, 3-cü yeri Mingəçevir şəhər komandaları tutub. Təhsil Nazirliyi tərəfindən qalib komandalar və II, III, IV siniflər üzrə oğlan və qızlar arasında I, II, III yerləri tutan şahmatçılar diplom, medal, hədiyyə ilə, onların məşqçiləri hədiyyələrlə, komanda hesabında I, II, III yerləri tutan komandalar kubokla, fəal iştirakçılar isə diplomla mükafatlandırılıb.

Qeyd edək ki, yarışın keçirilməsində əsas məqsəd məktəbliləri sağlam həyat tərzinə cəlb etmək, istedadlı şahmatçıları aşkar etmək, məktəblilər arasında şahmat intellektual idman növünü təbliğ etmək və şagirdlər arasında dostluq və idman əlaqələrini möhkəmləndirməkdən ibarətdir.

Tədbirdə Təhsil Nazirliyinin əməkdaşları, uşaq-gənclər idman-şahmat məktəblərinin rəhbərləri, tanınmış şahmatçılar iştirak edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.