İQTİSADİYYAT


“Unibank Kommersiya Bankı” ASC-nin səhmlərinin yerləşdirilməsi üzrə hərrac keçiriləcək

Bakı, 2 avqust, AZƏRTAC

Avqustun 4-də “Unibank Kommersiya Bankı” ASC-nin səhmlərinin yerləşdirilməsi Bakı Fond Birjasında (BFB) həyata keçiriləcək.

BFB-dən AZƏRTAC-a bildirilib ki, adi, adlı, sənədsiz səhmlərin sayı 4 milyon 375 min ədəd, nominal dəyəri 2.72 manatdır.

Yerləşdirmə üzrə anderrayter “Unicapital İnvestisiya Şirkəti” ASC-dir. “Unibank Kommersiya Bankı” ASC-nin səhmlərinin emissiya prospektini BFB-nin internet səhifəsində “Emitentlərin hesabatlılığı” (https://www.bfb.az/az/emitentler) bölməsindən əldə edə bilərsiniz.

Qeyd edək ki, iyulun 21-də Bakı Fond Birjasının Listinq Komitəsinin qərarı ilə “Unibank Kommersiya Bankı” ASC-nin ümumi dəyəri 11 milyon 900 min manat olan səhmləri standart bazar seqmentində listinqə daxil edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.