ELM VƏ TƏHSİL


Universitet-kollec-məktəb əməkdaşlığı davam etdirilir

Bakı, 5 may, AZƏRTAC

Azərbaycan Texniki Universitetində (AzTU) Bakı Texniki Kolleci (BTK) və Bakı Dövlət Rabitə və Nəqliyyat Kollecinin (BDRNK) subbakalavrları və Səbail, Nizami, Qobustan məktəbliləri ilə onlayn görüş keçirilib. Görüşdə universitetin professor-müəllim heyəti və əməkdaşları iştirak ediblər.

Bu barədə AZƏRTAC-a universitetdən məlumat verilib. Bildirilib ki, tələbələrin bilik və bacarıqlarının, peşə hazırlıqlarının yaxşılaşdırılması, tədrisin keyfiyyətinin artırılması istiqamətində bir sıra mühüm tədbirlər həyata keçirilir. Universitetin fakültə və ixtisasları, beynəlxalq əlaqələr sahəsində görülən işlər məktəblilərin diqqətinə çatdırılıb. Görüş zamanı tələbə təşkilatlarının fəaliyyəti barədə də ətraflı məlumat verilib.

Qeyd olunub ki, AzTU-da tələbə və məzunların ixtisaslarına uyğun işlə təmin olunması, universitet-sənaye işbirliyinin inkişaf etdirilməsi əsas hədəflərdəndir. Ölkənin iri şirkətləri ilə bu istiqamətdə əməkdaşlıq əlaqələri inkişaf etdirilir.

Görüş zamanı şagirdləri maraqlandıran suallar da universitet əməkdaşları tərəfindən cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.