DÜNYA


Uqandada torpaq sürüşməsi: azı 40 nəfər ölüb, yüzlərlə insan itkin düşüb

Bakı, 12 oktyabr, AZƏRTAC

Uqandanın şərqində baş verən torpaq sürüşməsi nəticəsində həlak olanların sayı 40 nəfərə çatıb.

AZƏRTAC xəbər verir ki, “New Vision” nəşrinin yaydığı məlumata görə, Bududa bölgəsində çox sayda ev və iş yeri torpaq altında qalıb.

Torpaq sürüşməsinə oktyabrın 11-də səhər saatlarında başlayan leysan yağışlarının səbəb olduğu bildirilir. Təbii fəlakət nəticəsində ölənlərin sayının artacağı istisna olunmur. Belə ki, bölgənin ucqar rayonlarında yüzlərlə insanın itkin düşdüyü deyilir.

Uqanda Prezidenti Yoveri Museveni təbii fəlakətdən zərər çəkən regionlara xilasedici komandaların göndərildiyini bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.