DÜNYA


Uşağa ev tapşırıqlarında kömək etmək fayda gətirmir

Bakı, 17 avqust, AZƏRTAC

Araşdırma nəticəsində müəyyən edilib ki, məktəb tapşırıqlarının birlikdə yerinə yetirilməsi uşağın qiymətlərini artırmır. Onilliklər ərzində elmi ictimaiyyət valideynlərin köməyini və ev tapşırıqlarına nəzarət olunmasını təşviq edirdi. Guya, məktəb tapşırıqlarının birgə yerinə yetirilməsi təkcə intizama deyil, həm də uşaqların qiymətlərinə müsbət təsir göstərir.

“ScienceAlert”in yazdığına görə, təəssüf ki, amerikalı alimlər yeni araşdırmada bu mifin əsassız olduğunu sübut ediblər. Bunun üçün ABŞ alimləri dövlət və özəl məktəblərinin 1-5-ci sinif şagirdlərini əhatə edən iki məlumat toplusundan istifadə ediblər. Nəticələr təhlil edilərkən valideynlərin sosial-iqtisadi vəziyyəti və təhsili də nəzərə alınıb. AZƏRTAC xarici KİV-ə istinadla xəbər verir ki, nəticələr çox təəccüblü olub - valideynlərin ev tapşırıqlarına kömək etməsi ilə uşağın riyaziyyatda və ya qiraətdə uğur qazanması arasında heç bir əlaqə tapılmayıb.

Alimlər müəyyən ediblər ki, böyüklərin və ya uşağın nə qədər ağıllı olmasından, sosial-iqtisadi vəziyyətindən və dərsliklərə nə qədər vaxt sərf edilməsindən asılı olmayaraq, bunun uşağın akademik nəticələrinə ciddi təsir göstərməsi ehtimalı çox azdır.

Daha erkən tədqiqatlarda alimlər artıq valideynlərin ev tapşırığının yerinə yetirilməsində uşağa necə kömək etmələri ilə bağlı sualı ortaya qoymuşdular. Onlar belə nəticəyə gəliblər ki, düzgün münasibət və düzgün strategiya seçdikdə böyüklər uşağa təhsilə məhəbbət aşılaya bilərlər.

Lakin məktəbdə uğur qazanmağa kömək etmək əvəzinə, əksinə ona mane ola biləcək bir çox amillər var. Məsələn, valideynlər ev tapşırığına kömək etməyi stres kimi qəbul edə bilərlər ki, bu da müəyyən gərginlik və ya təzyiq yarada bilər. Yetkinlərdə vaxtın kifayət qədər olmaması onları sadəcə olaraq tapşırıqları özbaşına yerinə yetirməyə və izahat əvəzinə cavabları təqdim etməyə gətirib çıxara bilər. Lakin alimlər bu cür yardımın uğursuzluğunun əsas səbəbini valideynlərin sadəcə olaraq müəllimlər kimi məlumatı ötürməyi bacarmadıqlarında görürlər.

“İbtidai məktəb biliklərin, lakin daha çox - uşağın bacarıq və vərdişlərinin artımıdır”, - deyə alimlər qeyd edirlər.

Buna baxmayaraq, hər şey o qədər də ümidsiz deyil. Tədqiqatçıların fikrincə, birlikdə ev tapşırıqlarının yerinə yetirilməsi akademik müvəffəqiyyətə təsir etməyəcəyinə baxmayaraq, digər cəhətdən, məsələn, uşağın psixoloji sağlamlığının profilaktikası və ya birlikdə keçirilən vaxtın artırılması nöqteyi-nəzərdən müsbət nəticələr verə bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.