ELM VƏ TƏHSİL


Uşaq-Gənclər İnkişaf Mərkəzinin “Təbəssüm” rəqs qrupu beynəlxalq festivalın qalibi olub

Bakı, 10 iyul, AZƏRTAC

Polşanın Lodz şəhərində IX Beynəlxalq Folklor Yaradıcılıq Festivalı (“Folkowe inspiracje”) keçirilib. Xoreoqrafiya, vokal, teatr, instrumental musiqi, foto və videonominasiyaları üzrə təşkil olunan festivala 12 ölkədən 600-dən çox iştirakçı qatılıb.

Təhsil Nazirliyindən AZƏRTAC-a bildiriblər ki, beynəlxalq tədbirdə 2 nömrəli Uşaq-Gənclər İnkişaf Mərkəzinin “Təbəssüm” rəqs qrupu da iştirak edib. “Təbəssüm” rəqs qrupunun “Xoreoqrafiya” nominasiyası üzrə nümayiş etdirdiyi “Odlar yurdu” rəqsi 1-ci yerə və festivalın “Qızıl qayıq” mükafatına layiq görülüb.

Festival çərçivəsində təşkil olunan ölkə təqdimatlarında və ustad dərslərdə fəal iştiraklarına görə dərnək rəhbəri Roza İsmayılova “Gümüş qayıq” mükafatı, mərkəzin direktoru Əminə Musayeva isə diplomla təltif olunub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.