CƏMİYYƏT


Uşaq Hüquqları Aylığı çərçivəsində silsilə tədbirlər davam edir

Bakı, 18 noyabr, AZƏRTAC

Azərbaycan Respublikasının İnsan Hüquqları üzrə Müvəkkili Elmira Süleymanovanın təşəbbüsü ilə oktyabrın 20-dən noyabrın 20-dək ölkəmizdə Uşaq Hüquqları Aylığı keçirilir.

Ombudsman Aparatının mətbuat xidmətindən AZƏRTAC-a bildiriblər ki, bu layihə çərçivəsində Azərbaycan Uşaq və Gənclərin Sülh Şəbəkəsinin (AUGSŞ) nəzdində fəaliyyət göstərən Liderlik Məktəbində, Suraxanı rayonu 118 nömrəli tam orta, Bakı-Oksford və digər məktəblərdə, həmçinin Göygöl rayonundakı Heydər Əliyev Mərkəzində, Gəncə şəhər M.C.Paşayev adına 39 saylı və Daşkəsən şəhər Nəsimi adına 1 nömrəli tam orta məktəblərdə, Biləsuvar şəhər N.Gəncəvi adına 1 saylı və Cəlilabad şəhər Şah İsmayıl Xətai adına 1 saylı tam orta məktəblərdə, Qax şəhər 4 saylı və Şəki şəhər 12 saylı orta məktəblərdə, Balakən rayonu Mahamalar kəndində, Qusar şəhər 1 saylı və Quba şəhər 7 saylı tam orta məktəblərdə silsilə tədbirlər keçirilib.

Ombudsman Aparatının nümayəndələri tədbirlərdə çıxış edərək təsisatın insan hüquqları, o cümlədən uşaq hüquqları sahəsində çoxşaxəli fəaliyyəti barədə ətraflı məlumat verib, iştirakçıların çoxsaylı suallarını cavablandırıblar.

Aylıq çərçivəsində silsilə tədbirlər davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.