CƏMİYYƏT


“Uşaq hüquqlarının təmin olunması hamının borcudur” mövzusunda tədbirdə əsas qəhrəman uşaqlar özləri olublar

Bakı, 17 noyabr, AZƏRTAC

Nizami rayonundakı 251 nömrəli tam orta məktəbdə “Uşaq hüquqları aylığı” çərçivəsində “Uşaq hüquqlarının təmin olunması hamının borcudur” mövzusunda tədbir keçirilib.

Bu barədə AZƏRTAC-a rayon icra hakimiyyətindən məlumat verilib.

Musiqi sədaları altında səhnəyə çıxan məktəblilər qonaqları salamlayıblar.

Məktəbin 3 və 4-cü sinif şagirdlərinin hazırladığı bədii hissə istedadlı uşaqların çıxışları ilə davam etdirilib. Şagirdlər qonaqlara Uşaq Hüquqları Konvensiyası, uşaqların yaşamaq, təhsil, inkişaf, müdafiə, tibbi yardım və s. hüquqları haqqında fikirlərini maraqlı səhnəciklərlə nümayiş etdiriblər.

Rayon İcra Hakimiyyəti başçısının müavini Gülnaz İsrafilova rayonda “Uşaq hüquqları aylığı” çərçivəsində keçirilən tədbirlər, eyni zamanda uşaqlara diqqətin artırılması, uşaq hüquqlarının həyata keçirilməsi sahəsində görülən işlərin intensivliyinin artırılmasının vacibliyini diqqətə çatdırıb.

“Yeni Həyat” Humanitar və Sosial Dayaq İctimai Birliyinin sədri Nailə İsmayılova çıxışında rəhbərlik etdiyi ictimai birliyin həyata keçirəcəyi layihələr barədə məlumat verib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.