CƏMİYYƏT


“Uşaq hüquqlarının təşviqi” layihəsinə start verilib

Bakı, 7 noyabr, AZƏRTAC

“ASAN Könüllüləri” Təşkilatının və BMT-nin Uşaq Fondunun (UNICEF) Azərbaycan nümayəndəliyinin birgə əməkdaşlığı ilə “Uşaq hüquqlarının təşviqi” layihəsinin icrasına başlanılıb.

Təşkilatdan AZƏRTAC-a bildiriblər ki, layihənin məqsədi ölkəmizdə uşaq hüquqlarının qorunması və təbliği, o cümlədən bu istiqamətdə peşəkar təlimçi qruplarının formalaşdırılması, paytaxtda və regionlarda əhalinin maarifləndirilməsidir.

Layihə çərçivəsində ekspertlər tərəfindən təlimçilər üçün təlim proqramı (TOT), maarifləndirici sessiyalar və uşaq hüquqlarının təşviqi günləri keçiriləcək. Həmçinin Bakı, Sumqayıt, Gəncə, Mingəçevir, Sabirabad, Bərdə, Masallı, Qəbələ və Quba şəhər və rayonlarında yaşayan əhalinin maarifləndirilməsi nəzərdə tutulur.

Təlimlərdə iştirak etmək istəyən şəxslər “ASAN xidmət” mərkəzlərinə müraciət edə bilərlər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.