MƏDƏNİYYƏT


Uşaq incəsənət məktəbinin şagirdləri beynəlxalq festivalda uğur qazanıblar

Bakı, 12 mart, AZƏRTAC 

Bakı Şəhər Mədəniyyət Baş İdarəsinin 4 nömrəli uşaq incəsənət məktəbinin rəsm sinfinin şagirdləri “Listen to the Voice of the World” Birinci Beynəlxalq Festivalda uğur qazanıblar.

Baş İdarədən AZƏRTAC-a bildirilib ki, festival UNESCO-nun Beynəlxalq layihələrin tətbiqi mərkəzinin, UNESCO nəzdində Beynəlxalq Ədəbiyyat və Jurnalistika Akademiyasının dəstəyi və Azərbaycan “Resurs” Gənclərin İnkişafi Mərkəzinin, “Educenter” mərkəzinin və “Nur art house” qalereyasının birgə təşkilatçılığı reallaşıb.

Festivalda şagirdlərdən Lalə Abasova, Aysel Dadaşova, Zəhra Əliyeva, Jalə Əliyeva, Aydan Həsənzadə, Zəhra Novruzova, Nəzrin Mirzəzadə, Xumar Nəcəfli birinci yerə, Ülkər Məmmədova, Nigar Həmzəyeva, Vüsalə Ələkbərova, Nərgiz Rüstəmova isə ikinci yerə layiq görülüblər.

“Nur art house” qalereyasında keçirilən tədbirin bədii hissəsində 4 nömrəli uşaq incəsənət məktəbinin şagirdlərinin ifası dinlənilib.

Sonda məktəb kollektivi İçərişəhərə ekskursiya ediblər. Ekskursiya zamanı şagirdlərin milli musiqi alətlərində ifası şəhərimizin sakinləri və qonaqları tərəfindən maraqla qarşılanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.