CƏMİYYƏT


Uşaqlarda yaddaş zəifliyi

Bakı, 22 fevral, AZƏRTAC

Uşaqlarda yaddaş zəifliyinin müxtəlif səbəbləri var. Səhhətdən qaynaqlanan problemləri nəzərə almasaq, qalan səbəblər o qədər də qorxulu deyil. Ən əsas məsələ isə irsi səbəblərlə əlaqədardır. Vaxtında qoyulan diaqnoz və düzgün müalicə həmin problemi aradan qaldıra bilər.

Hər uşaq konkret yuxu rejiminə ehtiyac duyur. Nəzarətsiz yuxu isə onlarda yaddaş zəifliyinə səbəb olur. Valideynlər müntəzəm şəkildə izlənə biləcək qrafik tərtib etməlidir. Əvvəllər bu çətin görünsə də, balacalar tədricən rejimlə yatmağa alışır. Yuxuya getməmişdən əvvəl onlara süd içirmək, tərkibində kofein olan içkilərdən uzaq tutmaq məsləhətdir.

Mərkəzi Gömrük Hospitalının həkim-pediatrı Təranə Göyüşöva AZƏRTAC-a deyib: “Uşaq inkişafı, xüsusilə erkən yaşlarda çox əhəmiyyətlidir. Bəzən uşaqlarda ciddi inkişaf gerilikləri olduqda – məsələn, təhsildə uğursuzluqla üzləşəndə, sosial ünsiyyətində azlıq olanda valideynlər bununla əlaqədar narahat olmağa başlayır. Halbuki həyatın ilk üç ilində uşaq inkişafına verilən dəstək digər illərdə əhəmiyyətli nəticələr verir”.

Televizor izləməyin beynin inkişafını ləngitdiyini nəzərə alaraq mavi ekran qarşısında keçirilən vaxtı minimuma endirmək məsləhətdir, çünki televizora çox baxan uşaqlar passivləşir, xarici aləmlə ünsiyyəti zəifləyir. Amma bəzi cizgi filmləri və müxtəlif proqramların beyni inkişaf etdirdiyini də nəzərə almaq lazımdır.

Bəzi qidalar da uşaqların inkişafına və yaddaşının möhkəmlənməsinə müsbət təsir göstərir. Balıq, yumurta, kələm, kök, ispanaq, soğan, göbələk və turp kimi tərəvəzlər, alma, armud, narıngi, limon, portağal kimi meyvələr, süd məhsulları və balıq da çox faydalıdır. Oyun və məşqlər də yaddaşı gücləndirmək üçün yaxşı vasitədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.