Üzərində odlu silah gəzdirən şəxs tutularaq cinayət məsuliyyətinə cəlb edilib

Bakı, 17 yanvar, AZƏRTAC

Beyləqan Rayon Polis Şöbəsinin əməkdaşları əllərdə qanunsuz saxlanılan odlu silahın aşkarlanması istiqamətində əməliyyat tədbiri keçiriblər.

Daxili İşlər Nazirliyinin mətbuat xidmətinin Bərdə regional qrupundan AZƏRTAC-a bildiriblər ki, üzərində odlu silah saxlamaqda şübhəli bilinən Lənkəran rayon sakini, əvvəllər məhkum edilmiş Rafiq Kələntərov polis əməkdaşlarının həyata keçirdikləri əməliyyat-axtarış tədbirləri nəticəsində Beyləqan şəhəri ərazisində saxlanılıb. Onun üzərində axtarış aparılan zaman revolver tipli tapança aşkarlanaraq götürülüb.

Faktla bağlı Beyləqan Rayon Polis Şöbəsində araşdırmalar davam etdirilir.