“Üzləşmə aktının verilməsi barədə ərizə”nin tərtib olunması ilə bağlı videoçarx hazırlanıb

Bakı, 30 oktyabr, AZƏRTAC

Dövlət Vergi Xidməti (DVX) tərəfindən “Üzləşmə aktının verilməsi barədə ərizə”nin tərtib olunması və göndərilməsi qaydası haqqında videoçarx hazırlanıb.

DVX-dən AZƏRTAC -a bildirilib ki, vergiödəyicisinin ödədiyi vergilərin, faizlərin və maliyyə sanksiyalarının artıq məbləğləri digər vergilərin, faizlərin və maliyyə sanksiyalarının ödənilməsi hesabınadırsa, bu halda vergiödəyicisinin tələbi ilə ona üzləşmə aktı verilir. Eyni zamanda, hər rüb başa çatdıqdan sonra 20 gün ərzində ona bildiriş göndərilir.

Videoçarxda, həmçinin istifadəçi tərəfindən “üzləşmə” aktının verilməsi barədə ərizənin tərtib olunması və göndərilməsi prosesi əks etdirilib.