Vatikan “insanların klonlaşdırılmasını (canlıların qeyri-cinsi yolla çoxaldılması) elliklə qadağan edən konvensiya hazırlanmasına çağırır. AZƏRTAC “Novosti” Agentliyinə istinadla xəbər verir ki, Vatikanın dövlətlərlə münasibətlər üzrə katibi, arxiyepiskop Covanni Layolo bir daha açıqlamışdır.

Onun sözlərinə görə, Vatikan “tibb elminin elə bir inkişafını dəstəkləyir ki, bu, insan ləyaqətinə həmişə hörmət etmiş olsun”. Bir neçə həftədən sonra BMT BM-in 59-cu sessiyasında insanların klonlaşdırılmasına qadağa qoyan beynəlxalq müqavilə üzərində iş davam etdiriləcəkdir.

Əvvəlki, 58-ci sessiya bu işi bir il təxirə salmaq qərarına gəlmişdir, çünki həmin məsələyə dair konsensusa nail ola bilməmişdir. ABŞ, Kosta-Rika və bir sıra digər ölkələr həm reproduktiv, həm də terapevtik klonlaşdırmanın, ümumiyyətlə, qadağan olunmasına çağırırlar.

BMT-nin üzvü olan təqribən bir o qədər dövlət bu problemin ikimərhələli həllinin tərəfdarıdır: əvvəlcə reproduktiv klonlaşdırma dərhal qadağan olunur, daha mürəkkəb - terapevtik klonlaşdırmanın həlli isə bir müddət təxirə salınır.

Baş Məclisin 58-ci sessiyası terapevtik klonlaşdırmanın adını çəkmədən klonlaşdırma məsələsinin TŞ-nin 59-cu sessiyasının ilkin gündəliyinə daxil olunmaq barədə qətnamə qəbul etmişdir.

Qətnamənin müəllifləri çalışırlar ki, “insanın klonlaşdırılmasına qarşı beynəlxalq konvensiya qəbul olunanadək BMT üzvlərinin öz ərazilərində insanın klonlaşdırılmasına yönəldilmiş heç bir tədqiqata, təcrübəyə, üsullar hazırlanmasına və onların tətbiqinə” icazə verməyəcəklərini Baş Məclis rəsmi surətdə bəyan etsin.