SİYASƏT
VLADİMİR PUTİN: RUSİYA DAĞLIQ QARABAĞ MÜNAQİŞƏSİNİN HƏLLİNDƏ VASİTƏÇİ VƏ QARANT ROLUNU OYNAMAĞA HAZIRDIR
AZƏRTAC “Novosti” agentliyinə istinadla xəbər verir ki, Rusiya Prezidenti Vladimir Putin bunu avqustun 20-də Soçidə Ermənistan Prezidenti Robert Koçaryanla görüşdən sonra keçirilən mətbuat konfransında açıqlamışdır.
Onlar görüşdə Dağlıq Qarabağ münaqişəsinin həlli məsələsini müzakirə etmişlər.
Rusiya dövlətinin başçısı demişdir: “Rusiya vasitəçi və qarant rolunu oynamağa hazırdır, bir şərtlə ki, bizim səylərimizə ehtiyac olsun və bunu razılığa gələn tərəflər istəsinlər”.
V.Putin bildirmişdir: “Biz Dağlıq Qarabağ problemini müzakirə etdik. Heç bir qərar olmadı, müzakirə dialoqun dəstəklənməsi üçün əlavə tədbirlər axtarışından ibarət oldu”.