SİYASƏT


Vaşinqton meri 28 May – Müstəqillik Günü ilə bağlı Bəyannamə imzalayıb

Vaşinqton, 28 may, AZƏRTAC

Vaşinqton şəhərinin meri Myuriel Bauzer Azərbaycan Xalq Cümhuriyyətinin yaranmasının 104-cü ildönümü ilə bağlı 28 May tarixini Vaşinqton şəhərində Azərbaycanın Müstəqillik Günü elan edib və bununla bağlı Bəyannamə imzalayıb.

Bəyannamədə 1918-ci ildə müsəlman dünyasında ilk parlamentli demokratik respublika olan və qadınlara səsvermə hüquq verən ilk dövlətlərdən birinin - Azərbaycan Demokratik Respublikasının yaranması münasibətilə dünyada 50 milyondan çox azərbaycanlının Müstəqillik Gününü qeyd etdiyi bildirilir. Həmçinin qeyd olunur ki, bu il Azərbaycanın müstəqilliyinin bərpasının 31-ci ildönümü və ABŞ ilə Azərbaycan arasında diplomatik əlaqələrin qurulmasının 30-cu ildönümü qeyd edilir.

Azərbaycanlıların dünyanın 70 ölkəsində yaşadığı və ABŞ-da yaşayan Azərbaycan icmasının sayının 700 mindən çox olduğu vurğulanır.

Bildirilir ki, Vaşinqton bu şəhərə Azərbaycan Respublikasının ABŞ-dakı Səfirliyi və Azərbaycan icması tərəfindən edilən töhfələri yüksək qiymətləndirir, öz zəngin mədəniyyəti və irsini Kolumbiya Əyaləti sakinləri ilə bölüşdüyü üçün onlara təşəkkür edir.

 

AZƏRTAC-ın Vaşinqton bürosu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.