ELM VƏ TƏHSİL


Vaşinqton universitetlərində təhsil alan azərbaycanlı tələbələrə karyera inkişafı ilə bağlı təlim keçirilib

Vaşinqton, 6 dekabr, AZƏRTAC 

Vaşinqtonda fəaliyyət göstərən ABŞ-Azərbaycan Ticarət Palatasında bu şəhərin universitetlərində bakalavr təhsili alan azərbaycanlı tələbələrə karyera inkişafı ilə bağlı təlim keçirilib.

AZƏRTAC xəbər verir ki, təlimdə Corctaun, Amerika və Kolumbiya Dairəsi universitetlərində bakalavr təhsili alan bir qrup azərbaycanlı tələbə iştirak edib.

İnsan resursları üzrə mütəxəssis Maykl Qal tərəfindən keçirilən təlimdə tələbələrə işə qəbul üçün tərcümeyi-halların yazılış qaydaları, uğurlu iş müsahibələrinə dair tövsiyələr və müsahibələr zamanı yol verilən ümumi səhvlər barədə məlumat verilib. Tədbir sual-cavab sessiyası ilə davam edib.

Vaşinqton universitetlərində bakalavr təhsili alan tələbələr üçün ABŞ-Azərbaycan Ticarət Palatasında karyera inkişafı ilə bağlı təşkil olunmuş bu təlim ABŞ-da təhsil alan azərbaycanlı tələbə icmasının inkişafına dəstək çərçivəsində keçirilən ilk təlimdir.

Yusif Babanlı

AZƏRTAC-ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.