CƏMİYYƏT


Vebinarda hemofiliyanın müasir müalicə üsulları müzakirə olunub

Bakı, 16 may, AZƏRTAC

Əziz Əliyev adına Azərbaycan Dövlət Həkimləri Təkmilləşdirmə İnstitutunun hematologiya kafedrasının moderatorluğu ilə Qazaxıstan, Özbəkistan, Belarusdan olan mütəxəssislərin iştirakı ilə “Hemofiliyanın müasir müalicə üsulları” mövzusunda vebinar keçirilib.

İnstitutun mətbuat xidmətindən AZƏRTAC-a verilən məlumata görə, vebinarda akademik M.Mirqasımov adına Respublika Klinik Xəstəxanasının və Elmi-Praktik Hemofiliya Mərkəzinin əməkdaşları iştirak ediblər.

Vebinarda hematologiya kafedrasının müdiri, dosent Elmira Qədimova, assistent Günel Əlizadə məruzələrlə çıxış ediblər, xarici ölkələrdən onlayn formatda vebinara qoşulmuş hemofiliya üzrə aparıcı mütəxəssislərlə interaktiv fikir mübadiləsi aparılıb.

Hemofiliya xəstəliyinin müalicəsində istifadə olunan son nəsil dərialtı preparatların işlədilməsində təcrübəsi olan əməkdaşlar öz nəticələrini vebinar iştirakçılarına təqdim ediblər. Preparatın istifadə qaydaları, göstəriş, əks göstərişləri haqqında geniş müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.