CƏMİYYƏT


Vəkillər Kollegiyasının nümayəndə heyəti beynəlxalq konfransda iştirak edib

Bakı, 5 noyabr, AZƏRTAC 

Minskdə Belarus Respublikasının Vəkillər Kollegiyası və Rusiya Vəkillərinin Federal Palatası tərəfindən təşkil olunmuş “Dövlət və vəkillik: qarşılıqlı əlaqə yolları” mövzusunda beynəlxalq konfrans keçirilib.

Azərbaycan Respublikasının Vəkillər Kollegiyasından AZƏRTAC-a bildiriblər ki, tədbirdə ölkəmizi kollegiyanın sədri Anar Bağırov və kollegiyanın üzvü, “Kəngərli və Partnyorları” vəkil bürosunun rəhbəri İsmayıl Kəngərli təmsil ediblər.

Konfransda Belarus, Rusiya, Qırğızıstan, Moldova, Latviya, Ukrayna və Gürcüstan Vəkillər kollegiyalarının rəhbərliyi, o cümlədən bir çox ölkələrdən vəkillər, habelə Belarusun ədliyyə nazirinin müavini, Belarus baş prokurorunun müavini iştirak ediblər.

Vəkillər Kollegiyasının sədri Anar Bağırov konfransda “Azərbaycanda vəkillik sahəsində islahatlar: hədəflər” mövzusunda təqdimatla çıxış edib, vəkilliyin inkişafı və nüfuzunun artırılması, bu istiqamətdə görülmüş işlər və planlaşdırılmış tədbirlər, bununla bağlı Azərbaycan Respublikası Prezidentinin 2018-ci il 22 fevral tarixli Sərəncamının tarixi əhəmiyyəti, Sərəncamda qeyd olunmuş tapşırıq və tövsiyələrin icrası ilə bağlı tədbir iştirakçılarına ətraflı məlumat verib.

Konfrans çərçivəsində sədr Anar Bağırovun iştirakçı dövlətlərin Vəkillər kollegiyalarının rəhbərləri ilə ikitərəfli görüşləri də keçirilib.

Tədbirdə, həmçinin digər ölkələrin Vəkillər kollegiyalarının rəhbərləri və vəkillərinin müxtəlif mövzularda çıxışları dinlənilib. Sonda tədbir iştirakçılarının şərəfinə ziyafət verilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.