CƏMİYYƏT


Vəkillər və hakimlər üçün ixtisasartırma kursları keçirilib

Bakı, 10 sentyabr, AZƏRTAC 

Beynəlxalq Miqrasiya Təşkilatının və Ədliyyə Akademiyasının birgə təşkilatçılığı ilə “Beynəlxalq miqrasiya hüququ” mövzusunda təlimlər keçirilib. Ümumilikdə 40-a yaxın hakim və vəkilin iştirak etdiyi təlimlərdə beynəlxalq ekspertin və Vəkillər Kollegiyası üzvlərinin təqdimatları dinlənilib.

Vəkillər Kollegiyasından AZƏRTAC-a bildiriblər ki, hər iki təlimdə beynəlxalq miqrasiya hüququnun subyektləri, mənbələri, hüquqi və normativ çərçivəsi, dövlətlərin miqrasiya ilə bağlı səlahiyyətləri və beynəlxalq miqrasiya hüququ tərəfindən qoyulan məhdudiyyətlər, dövlət suverenliyi və hərəkət azadlığı hüquq kimi mövzular üzrə mühazirələr oxunub. Həmçinin təlimlərdə geri qaytarılmama prinsipi, ölkəyə daxil olma və ölkədən çıxışın tənzimlənməsi, yaşamaq, toxunulmazlıq və azadlıq hüquqları, sərbəst hərəkət azadlığının təmin edilməsi, qaçqınlar, sığınacaq axtaranlar, yaşama şəraiti, iqtisadi, sosial, mədəni hüquqlar, fiziki imkanları məhdud olan miqrantlar, qadın və uşaq miqrantlar kimi məsələlər dinləyicilərin diqqətinə çatdırılıb, mövzu barəsində müxtəlif kazuslar həll edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.