İDMAN


Velosipedçilərimiz V İslam Həmrəyliyi Oyunlarına yollanıblar

Bakı, 3 avqust, AZƏRTAC

Azərbaycanın şose və trek velosipedi üzrə elit/U23 yığma komandasının üzvləri Türkiyənin Konya şəhərində keçiriləcək V İslam Həmrəyliyi Oyunlarında iştirak edəcəklər.

AZƏRTAC xəbər verir ki, avqustun 9-da rəsmi açılışı olacaq Oyunlarda baş məşqçilər Asif Həsənov (şose üzrə) və Elçin Qərəmanovun (trek üzrə) rəhbərliyi ilə kişi velosipedçilərdən Elçin Əsədov, Nəcəf Bağırov, Əmral Abduləzizli, Əli Qurbanov, Musa Mikayılzadə, Şahin Eyvazov, Elgün Əlizadə, qadınlardan isə Viktoriya Sidorenko, Ayan Xankişiyeva və Lalə Əbdürəhmanova mübarizə aparacaqlar.

İdmançılarımız həm trek, həm də şose növlərində yarışlara qatılacaqlar. Velosipedçilərimiz mübarizəyə avqustun 5-də başlayacaqlar. Onlara Orxan Məmmədov (mexanik) və Babək Xudiyev (massajçı) texniki xidmət göstərəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.