DÜNYA


Venesuelada parlament seçkiləri dekabrın 6-da keçiriləcək

Madrid, 2 iyul, AZƏRTAC 

Venesuelanın Milli Seçki Şurası ölkədə parlament seçkilərinin bu il dekabrın 6-da keçiriləcəyini rəsmi şəkildə elan edib.

AZƏRTAC xəbər verir ki, Milli Assambleyaya namizədlərin qeydiyyatı avqustun 10-dan 19-dək, seçkiqabağı kampaniya isə noyabrın 21-dən dekabrın 5-dək keçiriləcək. Hakimiyyət orqanlarının proqnozlarına görə, seçkiqabağı kampaniyalarda 89 siyasi partiya iştirak edəcək.

Venesuela Milli Seçki Şurasının sədri İndira Alfonsonun sözlərinə görə, ölkənin növbəti birpalatalı parlamentinə 167 deputat əvəzinə 227 deputat seçiləcək.

Xatırladaq ki, 2019-cu il yanvarın 21-də Venesuelada ölkə Prezidenti Nikolas Maduronun andiçmə mərasimindən az sonra ona qarşı kütləvi etiraz aksiyaları başladı. Müxalifətin nəzarətində olan Milli Assambleyanın rəhbəri Xuan Quaido özünü qeyri-qanuni şəkildə dövlətin müvəqqəti başçısı elan edib. Xuan Quaido seçkilərdə iştirak etməyəcək.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.