Vergi Məcəlləsində edilmiş dəyişikliklər onlayn görüşdə müzakirə ediləcək

Bakı, 25 yanvar, AZƏRTAC

Azərbaycan Respublikasının Vergi Məcəlləsində edilmiş dəyişikliklərlə bağlı vergiödəyicilərinin məlumatlandırılması və maarifləndirilməsi istiqamətində tədbirlər davam etdirilir.

Dövlət Vergi Xidmətindən AZƏRTAC-a bildirilib ki, qeyd edilən tədbirlərin davamı olaraq yanvarın 27-də saat 15:00-da “Zoom” platforması üzərindən 300 vergiödəyicisinin iştirakı ilə onlayn görüşün keçirilməsi nəzərdə tutulub.

Qeyd edilən görüşdə iştirak etmək istəyən vergiödəyiciləri https://fxo.io/m/tigers-incredible-1202  və “t.me/xidmetbot ” linkləri vasitəsilə yanvarın 27-də saat 14:45-dək görüşə yazıla bilərlər.