İQTİSADİYYAT


Vergi orqanlarına işə qəbulla bağlı imtahanın vaxtı dəyişdirilib

Bakı, 12 mart, AZƏRTAC

Ölkədə kütləvi tədbirlərin keçirilməsinin məhdudlaşdırılması ilə əlaqədar dövlət vergi orqanlarına işə qəbul prosesinin vaxtında müəyyən dəyişikliklər edilib.

Bu barədə AZƏRTAC-a İqtisadiyyat Nazirliyi yanında Dövlət Vergi Xidmətindən açıqlama verilib.

Məlumata əsasən, işə qəbulla bağlı müsabiqənin test imtahanı mərhələsi 2020-ci il aprelin 25-də Dövlət İmtahan Mərkəzinin müəyyən etdiyi yerdə keçiriləcək. Bununla əlaqədar müsabiqəyə sənəd qəbulunun vaxtı da uzadılıb və Dövlət Vergi Xidmətinin saytında yerləşdirilmiş elektron ərizə vasitəsilə aprelin 3-də saat 24:00-dək baş tutacaq.

Müsabiqə və test imtahanlarının keçirilməsi ilə bağlı müəyyən edilmiş digər zəruri tələblərə və tarixlərə edilmiş dəyişikliklər barədə ətraflı məlumatı Dövlət Vergi Xidmətinin rəsmi internet saytında yerləşdirilmiş elan vasitəsilə əldə etmək mümkündür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.