İQTİSADİYYAT
Vergiödəyicisinin fəaliyyət növünün dəyişdirilməsi proseduru
Bakı, 10 dekabr, AZƏRTAC
Vergiödəyicisinin vergi orqanının baza məlumatlarında olan telefon nömrəsinin dəyişdirilməsi, şəxsin özünün və ya səlahiyyətli nümayəndəsinin (notarial qaydada təsdiq edilmiş etibarnamə ilə) "Fiziki şəxsin vergi uçotu haqqında Ərizə" ilə uçotda olduğu vergi orqanına və ya əhatə dairəsinə aid olan Vergi ödəyicilərinə xidmət mərkəzlərinə müraciəti əsasında həyata keçirilir.
Vergilər Nazirliyinin Media və kommunikasiya idarəsindən AZƏRTAC-a bildirilib ki, gücləndirilmiş elektron imza (o cümlədən "ASAN İmza") və ya istifadəçi kodu, parol və şifrə olduqda isə nazirliyin İnternet Vergi İdarəsi portalı üzərindən vergi uçotu məlumatlarında olan telefon nömrəsinin dəyişdirilməsi üçün "Fiziki şəxsin uçot məlumatlarında dəyişikliklərin edilməsi barədə Ərizə"ni elektron qaydada vergi orqanına təqdim etməklə, həmin əməliyyatı elektron qaydada yerinə yetirmək mümkündür.