CƏMİYYƏT


Vətən müharibəsi qazisi DOST İş Mərkəzində baş mütəxəssis vəzifəsinə təyin edilib

Bakı, 24 iyun, AZƏRTAC

Şəhid ailəsi üzvləri və Vətən müharibəsi qaziləri ilə bağlı “Məşğulluq marafonu” çərçivəsində Əmək və Əhalinin Sosial Müdafiəsi Nazirliyi daha bir qazimizi işlə təmin edib.

Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən AZƏRTAC -a verilən məlumata görə, Vətən müharibəsində yaralanmış qazi Abbaslı Qurban Azər oğlu nazirliyin tabeliyindəki DOST İş Mərkəzində baş mütəxəssis vəzifəsinə təyin edilib.

Prezident İlham Əliyevin sərəncamları ilə Qurban Abbaslı “Füzulinin azad olunmasına görə”, “Cəbrayılın azad olunmasına görə”, “Xocavəndin azad olunmasına görə” medalları ilə təltif olunub.

O, Türkiyənin Hacettepe Universitetində ali təhsilini başa vurduqdan sonra ötən ilin may ayında həqiqi hərbi xidmətə çağırılıb. Torpaqlarımızın işğaldan azad edilməsi uğrunda döyüş əməliyyatlarında iştirak edərək şəxsi igidlik və şücaət nümayiş etdirib, Xocavənd uğrunda gedən döyüşlərdə yaralanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.