CƏMİYYƏT


Vətəndaşlara Xidmət və Sosial İnnovasiyalar üzrə Dövlət Agentliyinin nümayəndə heyəti Türkiyədə səfərdədir

Bakı, 14 iyul, AZƏRTAC

İyulun 12-dən 14-dək Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədr müavini Ceyhun Salmanovun rəhbərlik etdiyi nümayəndə heyəti Türkiyə Respublikasında səfərdə olub.

Agentliyin ictimaiyyətlə əlaqələr şöbəsindən AZƏRTAC-a bildiriblər ki, səfər çərçivəsində nümayəndə heyəti “Türkiyə Texnoloji Takımı” ilə görüşüb və məktəblilərin texnologiya sahəsində bilik və bacarıqlarının artırılmasını təmin edən “Deneyap” mərkəzinə baxış keçirib. Həmçinin “Baykar” şirkətinin fəaliyyəti, “Bayraktar” və “Akıncı” tipli pilotsuz hava texnologiyalarının istehsal və araşdırma mərkəzinin işi ilə tanış olub. Aparılmış müzakirələr nəticəsində ortaq layihələrin həyata keçirilməsi və qarşılıqlı əməkdaşlığa dair daha öncə əldə olunmuş razılıqların icrası mexanizmi müəyyən edilib.

Ceyhun Salmanov Prezident İlham Əliyevin rəqəmsallaşma və innovasiyalar sahəsinə böyük önəm verdiyini və onun tapşırıqlarına uyğun olaraq, Azərbaycanda əhəmiyyətli işlərin həyata keçirildiyini diqqətə çatdırıb.

“Baykar” şirkətinin rəhbərliyi dövlət agentliyinin innovasiya və rəqəmsal hökumət sahəsində gördüyü işləri maraqla dinləyərək müvafiq layihələr üzrə əməkdaşlıqdan məmnun olacaqlarını bildirib.

Sonda xatirə şəkilləri çəkilib və qarşılıqlı hədiyyələr təqdim olunub.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.