CƏMİYYƏT


Vətəndaşlara Xidmət və Sosial İnnovasiyalar üzrə Dövlət Agentliyinin sədri agentliyin tabeliyində olan qurumlarının əməkdaşları ilə görüşüb

Bakı, 3 dekabr, AZƏRTAC 

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev agentliyin tabeliyində olan, o cümlədən “ASAN xidmət” mərkəzlərində çalışan digər dövlət qurumlarının əməkdaşları ilə görüşüb.

Agentliyin İctimaiyyətlə əlaqələr şöbəsindən AZƏRTAC-a bildiriblər ki, görüş Azərbaycanın ərazi bütövlüyünün bərpası ilə əlaqədar qazandığı parlaq qələbə münasibətilə təşkil olunub.

COVID-19 pandemiyası şəraitinə uyğun olaraq təşkil olunan görüş “Facebook” sosial şəbəkəsi üzərindən “ASAN Family” qrupunda gerçəkləşib.

Xatırladaq ki “ASAN Family” qrupunun məqsədi effektiv kommunikasiya vasitəsi kimi ASAN əməkdaşları üçün əlçatan şəbəkənin formalaşdırılmasıdır.

Görüşdə Ülvi Mehdiyev əməkdaşları qələbə münasibətilə təbrik edib. Eyni zamanda, Dövlət Agentliyinin cari fəaliyyəti və gələcək hədəflər barədə məlumat verilib.

Həmçinin əməkdaşların sualları cavablandırılıb və müraciətləri qeydə alınıb.

Sonda Ülvi Mehdiyev bu cür görüşlərin mütəmadi keçiriləcəyini diqqətə çatdırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.