MƏDƏNİYYƏT


“Vətənpərvərlik kinosu həftəsi” çərçivəsində Milli qəhrəmanlara həsr olunmuş növbəti filmlər təqdim edilib

Bakı, 17 yanvar, AZƏRTAC

Mədəniyyət Nazirliyinin Kinematoqrafiya şöbəsinin və Bakı Şəhər Mədəniyyət Baş İdarəsinin birgə təşkilatçılığı ilə keçirilən “Vətənpərvərlik kinosu həftəsi” çərçivəsində Milli qəhrəmanlara həsr olunmuş filmlərin nümayişi davam edir.

Baş İdarədən AZƏRTAC-a bildirilib ki, kino həftəsi çərçivəsində Mərdəkan Mədəniyyət Sarayında baş tutan tədbirdə əvvəlcə dövlət himni səsləndirilib, Milli qəhrəmanlarımızın ruhu bir dəqiqəlik sükutla yad edilib.

Sonra kinorejissor Anar Şuşalının lentə aldığı Milli Qəhrəman Elxan Zülfüqarova həsr olunmuş “Ömrün qırx anı” və rejissor Behzad Əhmədovun lentə aldığı Milli Qəhrəman Rövşən Hüseynova həsr olunmuş “Döyüşə tələbələr gedir” filmləri tamaşaçılara təqdim edilib.

Yasamal rayon Heydər Əliyev Mərkəzində isə kinorejissor Kamalə Musazadənin lentə aldığı Milli Qəhrəman Alı Mustafayevə həsr olunmuş “Alı zirvəsi” adlı film nümayiş olunub.

Filmlərin nümayişinə məktəb şagirdləri, qəsəbə sakinləri və ictimaiyyət nümayəndələri tamaşa ediblər.

Qeyd edək ki, kino həftəsinin keçirilməsində əsas məqsəd əhali arasında vətənpərvərlik ruhunu gücləndirmək, torpaqlarımız uğrunda döyüşlərdə igidlik göstərən Milli qəhrəmanlarımızı gənc nəslə tanıtmaq, Qarabağ müharibəsinin qəhrəmanlıq səhifələrini əks etdirməkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.