ELM VƏ TƏHSİL
Videodərslər - təhsilin əlçatanlığı
Bakı, 11 dekabr, AZƏRTAC
Təhsil Nazirliyinin video.edu.az portalına 1280-dən çox videodərs yerləşdirilib. Elektron portalda hər ay belə dərslərin sayı artırılmaqdadır.
Nazirlikdən AZƏRTAC-a bildiriblər ki, portalda 3D animasiyalı videolar, “Khan Academy” dərsləri və qiymətləndirmə sistemli videodərslər mövcuddur. Dərslər yerli və xarici müəllimlərin iştirakı ilə milli kurikuluma uyğun hazırlanır.
Qeyd edək ki, portal müəyyən mövzunun izahında iştirak edə bilməyən və yaxud mövzunu daha yaxşı mənimsəmək istəyən şagirdlər və təcrübəli həmkarlarının dərslərini izləmək istəyən müəllimlər üçün geniş imkanlar təqdim edir. Eyni zamanda, portal valideynlərin övladlarının təhsillərində iştirak etməsinə dəstək vermiş olur.