ELM VƏ TƏHSİL


“Vikipediya”da publisist və tədqiqatçı Tofiq Hüseynzadə haqqında üç dildə məqalə yaradılıb

Bakı, 16 avqust, AZƏRTAC

Azərbaycan Milli Elmlər Akademiyasının (AMEA) Mərkəzi Elmi Kitabxanasının (MEK) “Vikipediya” Metodik Mərkəzinin könüllüləri tərəfindən “Vikipediya”da görkəmli filoloq, folklorşünas, şair, jurnalist və publisist Tofiq Hüseynzadə (1946-2006) haqqında üç dildə məqalə yaradılıb.

MEK-dən AZƏRTAC-a bildirilib ki, Azərbaycan, türk və ingilis dillərində yaradılan məqalələrdə Tofiq Hüseynzadənin elmi fəaliyyəti, əsərləri haqqında ətraflı məlumat verilib. Qeyd olunub ki, o, Səfəvilər dövrünün mütəfəkkiri, ulu babası Miskin Abdalın irsini araşdırıb, 2005-ci ildə “Səfəvilərin böyük övliyası Miskin Abdal” kitabını nəşr etdirib.

Tofiq Hüseynzadənin üçcildlik “Xəyal cığırı” kitabında müəllifin böyük və zəngin şeiriyyət dünyası, hekayələri, hikmətli kəlamları verilib. Onun “Miskin Abdal – Qeyb Ərəni, Təsəvvüf Piri” əsəri ulu babası Hüseyn Məhəmməd oğlunun daşıdığı yüksək ilahi-ruhani təsəvvüf məqam və dərəcələrini simvolizə edən “Miskin” və “Abdal” anlayışlarının ədəbiyyatımızda ilk dəfə əsaslandırılmış elmi izahına həsr olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.