DÜNYA


“Vikipediya”nın veb versiyasının dizaynı son 10 ildə ilk dəfə yenilənəcək

Bakı, 25 sentyabr, AZƏRTAC

"Vikipediya" onlayn ensiklopediyasının veb versiyasının dizaynı son 10 ildə ilk dəfə yenilənəcək.

AZƏRTAC xəbər verir ki, bu haqda "Vikipediya" tərəfindən idarə olunan "Wikimedia Foundation" qeyri-kommersiya təşkilatının bloqunda yazılıb.

Veb versiyanın yenidən dizayn edilməsi saytın yeni istifadəçilər üçün daha rahat edilməsi zərurəti ilə izah edilib. Tərtibatçılar, həmçinin planlaşdırılmış dəyişikliklərdən bəzilərini ayrıca səhifədə nümayiş etdiriblər. Məsələn, yeni dizaynda oxunan məqalənin bölmələrinin əlavə menyusu olacaq ki, bu da naviqasiya üçün səhifənin əvvəlinə geri qayıtmamağa imkan verəcək. Bundan başqa, tərtibatçılar diqqəti yayındıran çoxlu sayda linkdən ibarət sol sütundan imtina edəcəklər. Müxtəlif dillər arasında keçid imkanı xeyli sadələşdiriləcək.

"Wikimedia Foundation" təşkilatının rəsmisi bildirib ki, planlaşdırılmış dəyişikliklər yoxlamadan sonra tədricən reallaşdırılacaq. Veb versiyanın yenidən dizaynının 2021-ci ilin sonunadək tamamlanması gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.