DÜNYA


Viktor Orban: Macarıstan Rusiyaya qarşı sanksiyaları dəstəkləməyəcək

Bakı, 16 iyun, AZƏRTAC

Macarıstan Rusiyaya qarşı tətbiq edilən, lakin Avropa İttifaqı üzvlərinin özlərinə hədsiz ziyan vuracaq sanksiyaları dəstəkləməyəcək.

AZƏRTAC MTI informasiya agentliyinə istinadla xəbər verir ki, Macarıstan hökumətinin başçısı Viktor Orban bu fikri onun Ukrayna ilə bağlı mövqeyini tənqid edən 44 avropalı deputata ünvanladığı məktubunda ifadə edib.

Avropalı deputatların qınaqları ilə razılaşmayan Viktor Orban Macarıstanın Rusiyaya qarşı bütün altı sanksiya paketini dəstəklədiyini və Avropa İttifaqını qorumaq üçün əlindən gələni etdiyini xatırladıb: “Biz bunu ona görə edirik ki, əvvəllər razılaşdırılmış prinsipə əməl etmək getdikcə çətinləşir və tətbiq olunan sanksiyalar bizə Rusiyadan daha çox zərər vurmamalıdır”.

Baş nazirin sözlərinə görə, Macarıstan hökuməti Avropa İttifaqının bəzi ölkələrinin çağırışların əksinə olaraq Moskvanın və Bütün Rusiyanın Patriarxı Kiril də daxil olmaqla, Rus Pravoslav Kilsəsinin rəhbərlərinə qarşı sanksiyaların tətbiqinə icazə verməyəcək. O, eyni zamanda vurğulayıb ki, Macarıstan Ukraynadakı vəziyyətlə bağlı dəqiq mövqeyini bildirib və Rusiyanın fəaliyyətini pisləyib.

Viktor Orban, indiyədək Ukraynadan Macarıstana 800 minə yaxın qaçqının gəldiyini və onların ərzaq, mənzil və dərmanla təmin olunduğunu da bildirib.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.