DÜNYA


Viktoriya və Albert muzeyindən uşaqlar üçün yenilik

London, 5 oktyabr, AZƏRTAC

İngiltərənin Viktoriya və Albert muzeyinin rəhbərliyi “uşaqlar üçün dünyanın ən şən muzeyi”ni yaratmaq planı irəli sürüb. Yaradılması nəzərdə tutulan hissə təxminən 13,5 milyon funt sterlinqə başa gələcək.

Planın məqsədi muzeyin cəlbediciliyini və ziyarətçilərin yaradıcılıq hissini artırmaqdır.

Muzeyin direktoru Tristram Hant yaradılması planlaşdırılan hissənin 2022-ci ilə qədər bitəcəyinə ümid etdiyini bildirib. O söyləyib ki, təmir işləri zamanı muzeyin bağlanması haqqında hələ ki heç bir qərar qəbul edilməyib.

Muzeyin arxitektoru De Matos Ryan yeni hissənin dizaynı üçün ictimai qruplar və məktəblilərlə işlədiklərini qeyd edib. Muzeyin bu addımı bir çox şəxslər tərəfindən alqışlanıb və yaradılan yeni hissənin uşaqlarda yaradıcılığın inkişafına və yeni bacarıqların aşılanmasına kömək olacağı qeyd olunub.

Aynurə Tağıyeva

AZƏRTAC-ın xüsusi müxbiri

London

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.