DÜNYA


Virciniya ştatında bir qadının eyni gündə aldığı 30 lotereya biletinin hamısı uduşlu olub

Vaşinqton, 11 mart, AZƏRTAC

Virciniya ştatının sakini Debora Braun yanacaqdoldurma stansiyasında 30 ədəd “Pick 4” lotereya bileti alıb və bu biletlərin hamısı uduşlu olub.

AZƏRTAC xəbər verir ki, biletlərin birinin dəyəri 1 dollar olub. Braun həmin biletlərin hamısında eyni rəqəmlər kombinasiyasını (1-0-3-1) yazmağı qərara alıb. İş belə gətirib ki, bu biletlərin hərəsi Brauna maksimal məbləğdə - 5 min dollar qazanc gətirib.

Braun sonradan etiraf edib ki, əvvəlcə 20 bilet alıb və rəqəmlər kombinasiyasını intuitiv olaraq qeyd edib. Gün ərzində “həmin rəqəmləri görən” Braun daha 10 bilet almağı və həmin biletlərdə də eyni rəqəmlər kombinasiyasını qeyd etməyi qərara alıb. Beləliklə, o, 150 min dollar uduş əldə edib.

Yusif Babanlı

AZƏRTAC –ın xüsusi müxbiri

Vaşinqton

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.