DÜNYA


“Visa” və “Master Card” ödəmə sistemləri daxili barmaq izi skanerinə malik olacaq

Bakı, 22 iyun, AZƏRTAC

Ödəmə sistemləri üzərində təkmilləşdirmə işləri davam edir. Bu, rəqəmli texnologiyaların çox sürətli inkişafı ilə izah olunur.

AZƏRTAC “vistanews.ru” saytına istinadən bildirir ki, daxili barmaq izi skaneri ilə təchiz ediləcək “Visa” və “Master Card” ödəmə sistemləri öz sahibini müəyyənləşdirə biləcək. Aparılan sınaqlar, hələ ki, erkən mərhələdədir.

Məlumata görə, kart yalnız onun sahibi öz barmağını ödəmə kartına qurulmuş sensora yaxınlaşdırdıqdan sonra aktivləşir. Kartın nömrəsinin üstündə yerləşdirilmiş çip barmaq izi haqda informasiyanı yadda saxlayacaq.

Terminalın köməyi ilə ödəniş həyata keçirildikdə bu çip ödəyicinin barmaq izinin yaddaşda saxlanılmış barmaq izi ilə uyğunluğunu yoxlayacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.