DÜNYA


Vladimir Putin: KXDR-ə nüvə ölkələrinin iştirakı ilə beynəlxalq zəmanət lazımdır

Bakı, 12 sentyabr, AZƏRTAC

Şimali Koreya təhlükəsizlik barədə vədlərə inanmalı deyil və bu məsələdə nüvə ölkələrinin iştirakı ilə beynəlxalq zəmanət lazımdır.

AZƏRTAC xarici KİV-lərə istinadla xəbər verir ki, Rusiya Prezidenti Vladimir Putin bu fikri Şərq İqtisadi Forumunda səsləndirib.

“Şimali Koreyadan hər şey tələb olunur, əks tərəf isə heç bir addım atmır. Şimali Koreya bunun onlar üçün yaxşı olacağı barədə boş vədlərə inanmalıdır. Mənə elə gəlir ki, belə cəhdlər məhsuldar olmayacaq. Bunun üçün beynəlxalq zəmanət lazımdır”, - deyə Rusiya prezidenti “Uzaq Şərq: imkan sərhədlərini genişləndirməklə” mövzusuna həsr olunmuş plenar iclasda qeyd edib.

Vladimir Putin, həmçinin altıtərəfli danışıqlar kimi formatın mövcudluğunu xatırladaraq deyib: “Beynəlxalq ictimaiyyət bu cür zəmanətlər verə, o cümlədən bu sazişlərdə nüvə dövlətlərinin iştirakını təmin edə bilər. Rusiya bu danışıqların iştirakçısıdır”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.