DÜNYA


Vladimir Putin Rusiya qoşunlarının Suriyadan çıxarılmasının şərtini açıqlayıb

Bakı, 12 oktyabr, AZƏRTAC

Dəməşqdəki gələcək hakimiyyət müvafiq qərar verəcəyi təqdirdə Moskva Suriyadakı qoşunlarını çıxara bilər.

AZƏRTAC TASS informasiya agentliyinə istinadla xəbər verir ki, Rusiya Prezidenti Vladimir Putin bu barədə RT, “Al Arabiya” və “Sky News Arabia” telekanallarına müsahibəsində danışıb.

“Digər dövlətin ərazisində, yəni indiki halda Suriyada qanunsuz yerləşənlər regionu tərk etməlidir və bu, bütün dövlətlərə aiddir. Əgər Suriyanın gələcək legitim rəhbərliyi ölkədə Rusiya Silahlı Qüvvələrinə ehtiyac duymadıqlarını desələr, bu, Rusiyaya da aid olacaq”, - deyə Vladimir Putin bildirib.

Dövlət başçısının sözlərinə görə, xarici ölkə hərbçilərinin Suriyada mövcudluğu məsələsi İran, Türkiyə və ABŞ-la da müzakirə olunur.

Rusiya lideri, həmçinin əlavə edib ki, Suriya Ərəb Respublikasının ərazi bütövlüyü tam bərpa olunmalıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.