DÜNYA


Vladimir Zelenskinin prezident postunda ilk maaşı açıqlanıb

Bakı, 25 iyun, AZƏRTAC

Vladimir Zelenskinin Ukrayna prezidenti vəzifəsində ilk maaşı 12,7 min qrivna (483 dollar) təşkil edib.

AZƏRTAC “Factor” nəşrinə istinadla xəbər verir ki, bu barədə Ukrayna prezidenti administrasiyasına ünvanlanmış sorğunun cavabında deyilir.

Saytda dərc olunan sənədə əsasən, Zelenskiyə prezident postuna yüksəldiyi 2019-cu ilin may ayından bu yana 12 727 qrivna maaş hesablanıb.

Bundan əvvəl Prezidentin İşlər üzrə Dövlət İdarəsi “Ukrainskie novosti” agentliyinin sorğusuna cavab olaraq sabiq dövlət başçısı Petr Poroşenkonun 2018-ci ildə 270,5 min qrivna (9,5 min dollardan çox) maaş aldığını və onu bütünlüklə xeyriyyə fondlarına keçirdiyini bildirmişdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.