REGİONLAR
Volentina Poltavska: Çox şadam ki, Gəncədə keçirilən ilk marafonda birinci oldum
Gəncə, 17 sentyabr, Rauf Hacıyev, AZƏRTAC
Çox şadam ki, Gəncə şəhərində ilk dəfə keçirilən marafonda birinci oldum.
AZƏRTAC xəbər verir ki, bunu Heydər Əliyev Fondunun təşəbbüsü ilə “İradənlə tarix yaz”, “Marafonda bizimlə ol” şüarı altında keçirilən “Gəncə marafonu-2017”də qadınlar arasında finiş xəttinə birinci çatan Ukrayna vətəndaşı Volentina Poltavska deyib.
V.Poltavska jurnalistlərə müsahibəsində bildirib: “Gəncə marafonu-2017”dən əvvəl bir neçə yarışda iştirak etmişəm. Lakin Gəncədə qalib gəlməyim məni hədsiz sevindirdi. Ətrafdakı insanların alqışları məni daha da ruhlandırdı. Marşrut mürəkkəb olsa da, ətrafda gördüyüm hər şey məni finişə birinci çatmağa səsləyirdi. Marafon çox gözəl keçdi. Yarışın təşkilatçılığı yüksək səviyyədə idi. Gələcəkdə yenə də marafon təşkil edilərsə, məmnuniyyətlə iştirak edəcəyəm”.