İDMAN


Voleybol üzrə xüsusi olimpiyaçı qızlar arasında seçmə yarışları keçirilib

Bakı, 18 iyun, AZƏRTAC

Azərbaycan Xüsusi Olimpiya Komitəsinin təşkilatçılığı ilə Şağan Olimpiya İdman Kompleksində voleybol üzrə qızlar arasında seçmə yarışları təşkil edilib.

AZƏRTAC xəbər verir ki, xüsusi Olimpiya proqramına uyğun olaraq 2 divizionda keçirilən seçmə yarışların yekun nəticələrinə görə, ən güclü divizionda Sabunçu rayonu 11 nömrəli inteqrasiya təlimli internat məktəbinin komandası birinci yeri tutub. Xəzər rayonu valideyn himayəsindən məhrum olmuş uşaqlar üçün 2 nömrəli ümumi orta internat məktəbinin voleybolçuları ikinci, Sabunçu rayonu 309 nömrəli inklüziv sinifli tam orta məktəbin yığması isə üçüncü yeri tutub.

Yığma komanda ən güclü divizionda qalib gələn komandanın bazasında komplektləşdiriləcək və 2023-cü ilin beynəlxalq yarışlarında iştirak etmək şansı qazanacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.