Vyanada Ukrayna qaçqınlarına yardım üçün benefis konsert təşkil olunub
AzerTAg.az
Vyana, 28 mart, AZƏRTAC
Vyana şəhərinin mərkəzində yerləşən Heldenplatz meydanında Ukrayna qaçqınlarına yardım məqsədilə benefis konsert təşkil olunub.
AZƏRTAC xəbər verir ki, Avstriyanın aparıcı musiqiçilərinin səhnəyə çıxdığı konserti 100 minədək tamaşaçı izləyib. Tədbir zamanı Avstriyanın Federal Prezidenti Aleksander Van der Bellen çıxış edib, eyni zamanda, Ukrayna Prezidenti Volodimir Zelenskinin Avropada Ukrayna üçün təşkil olunan benefis tədbirlərə müraciəti nümayiş olunub.
Sərbəst girişlə baş tutan konsert “YesWeCare“ (Bəli, biz qayğı göstəririk) devizi ilə keçirilib. Konsert çərçivəsində Ukraynadan uşaqların himayəsini həyata keçirən “SOS Kinderdorf” və digər humanitar təşkilatlara ianələr toplanıb.
Elgün Niftəli
AZƏRTAC-ın xüsusi müxbiri
Vyana
Xəbərin mətnində orfoqrafik səhv var
