DÜNYA


Vyanada yaşayış binasında baş vermiş partlayış nəticəsində 14 nəfər yaralanıb

Vyana, 27 iyun, AZƏRTAC

İyunun 26-da Vyana şəhərinin mərkəzi rayonlarından birində yaşayış binasında güclü partlayış baş verib və nəticədə 14 nəfər müxtəlif dərəcəli bədən xəsarəti alıb. Yaralananlardan ikisinin vəziyyəti ağırdır.

AZƏRTAC xəbər verir ki, qaz sızması nəticəsində şəhərin 4-cü rayonundakı beşmərtəbəli yaşayış binasının bir hissəsi çöküb. Partlayışın təkanı və ətrafa uçan daş qəlpələri yaxınlıqdakı binaların şüşələrini sındırıb, həmin küçədəki avtomobillər yararsız hala düşüb.

Əraziyə cəlb edilən xilasedicilər binanın dağıntıları altında qalması ehtimal olunan şəxslərin axtarışını davam etdirirlər. 22 mənzildən ibarət yaşayış binasının çökmə təhlükəsi axtarış işlərini çətinləşdirir.

Elgün Niftəli

AZƏRTAC-ın xüsusi müxbiri

Vyana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.