DÜNYA


Vyetnamda karaoke barda baş verən yanğın 14 nəfərin ölümünə səbəb olub VİDEO

Pekin, 7 sentyabr, AZƏRTAC

Vyetnamın Binduonq vilayətində yerləşən karaoke barda baş verən yanğın 14 nəfərin ölümünə səbəb olub.

AZƏRTAC Vyetnam mediasına istinadla xəbər verir ki, sentyabrın 6-da Thuanan qəsəbəsində axşam saatlarında baş verən yanğında 40 nəfər müxtəlif dərəcədə bədən xəsarəti alıb. Yanğının hansı səbəbdən baş verdiyi bilinmir. Şahidlər alovun sürətlə gücləndiyini bildirirlər. Buna səbəb barda taxtadan hazırlanan avadanlığın və digər tezalışan materialların çoxluğu göstərilir. Bardakı adamlar xilas olmaq üçün balkonlara çıxıb, bir neçəsi 7-8 metr hündürlükdəki balkondan tullanaraq xəsarət alıb.

Hadisə yerinə 13 yanğınsöndürən briqada gəlib. Təxminən 40 dəqiqə ərzində yanğın lokallaşdırılıb.

Şahin Cəfərov

AZƏRTAC-ın xüsusi müxbiri

Pekin 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.