CƏMİYYƏT


Vyetnamdan ölkəmizə idxal edilən darçının istehlaka yararsız olduğu aşkarlanıb

Bakı, 20 fevral, AZƏRTAC

Qida Təhlükəsizliyi Agentliyi ölkəyə idxal olunan ərzaq məhsullarına nəzarət tədbirlərini davam etdirir.

Agentliyin informasiya təminatı və innovativ həllər şöbəsindən AZƏRTAC-a verilən məlumata görə, həyata keçirilən nəzarət tədbirləri çərçivəsində Vyetnamda “Hanfimex Group” müəssisəsi tərəfindən istehsal olunan və “Kamser Trade Group” MMC tərəfindən ölkəmizə idxal edilən altı ton darçın məhsulu partiyasına baxış keçirib.

Baxış zamanı idxal olunan məhsuldan nümunələr götürülərək, Qida Təhlükəsizliyi İnstitutunun müvafiq laboratoriyasına təqdim edilib. Müayinələr nəticəsində ağır metallar qrupuna aid kadmiumun kütlə payının qüvvədə olan texniki normativ aktların tələblərinə cavab vermədiyi aşkarlanıb.

İstehlaka yararsız məhsulların satış şəbəkəsinə daxil olunmasının qarşısı Agentlik tərəfindən alınıb. Hazırda qanunvericiliyin tələbləri çərçivəsində müvafiq tədbirlər görülür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.