MƏDƏNİYYƏT


Vyetnamın məşhur caz qrupu Bakı Caz Festivalında çıxış edəcək

Bakı, 20 oktyabr, AZƏRTAC

Vyetnamın məşhur caz qrupu “Nguyen Manh and Jazz Glory” 14-cü Bakı Caz Festivalında çıxış edəcək.

AZƏRTAC xəbər verir ki, 2017-ci ildə Vyetnam Milli Musiqi Akademiyasının caz fakültəsinin müəllim və tələbələrinin yaratdığı qrup bir neçə beynəlxalq musiqi festivalının iştirakçısı və müsabiqələrin laureatçısıdır. Qrupun rəhbəri Nquyen Man Vyetnam Milli Musiqi Akademiyasında caz fakültəsinin yaradıcısıdır. Qrup Fransa, İsveç, Danimarka, Sinqapur və digər ölkələrdə konsertlər verib. Maraqlı faktlardan biri də odur ki, qrup ABŞ Prezidenti Donald Tramp və Şimali Koreya lideri Kim Çen In qarşısında da çıxış edib.

Qeyd edək ki, oktyabrın 18-də işə başlamış Bakı Caz Festivalı çərçivəsində 25 konsert, ustad dərsləri, seminarlar, cazla bağlı filmlər təqdim ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.