DÜNYA


Vyetnamın xarici işlər naziri Kim Çen Inın səfərinin müzakirəsi üçün Pxenyana gedib

Bakı, 12 fevral, AZƏRTAC

Vyetnamın xarici işlər naziri Fam Bin Min Koreya Xalq Demokratik Respublikasına (KXDR) səfər edib.

AZƏRTAC xarici KİV-lərə istinadla xəbər verir ki, məqsəd fevralın 27-28-də Hanoyda ABŞ və KXDR liderlərinin növbəti görüşü üçün Vyetnama gedəcək Şimali Koreya lideri Kim Çen Inın səfər detallarını müzakirə etməkdir. Bildirilir ki, KXDR lideri Kim Çen Inın Vyetnam ziyarəti rəsmi səfər statusunda həyata keçiriləcək.

Vyetnam XİN rəhbəri Pxenyana fevralın 12-də Pekindən “Air Koryo” şirkətinə məxsus təyyarə ilə yola düşüb.

Əgər Kim Çen Inın Vyetnama səfəri reallaşarsa, bu, KXDR liderlərinin bu ölkəyə ikinci səfəri olacaq. İlk dəfə KXDR-in qurucusu Kım İr Sen 1964-cü ildə Vyetnama səfər edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.