ELM VƏ TƏHSİL


“Web of Science” və “Scopus” bazalarında indeksləşən jurnallarda məqaləsi dərc olunanlar mükafatlandırılacaq

Bakı, 16 may, AZƏRTAC

Azərbaycan Milli Elmlər Akademiyasının (AMEA) prezidenti, akademik Akif Əlizadə 2018-ci ildə “Web of Science” və “Scopus” elmi bazalarında indeksləşən jurnallarda dərc olunan məqalələrin müəyyənləşdirilməsi haqqında sərəncam imzalayıb.

AMEA-nın Elm və Təhsil Baş İdarəsindən AZƏRTAC-a bildirilib ki, sərəncama əsasən, bu elmi bazalarda indeksləşən jurnallarda dərc olunan hər bir məqaləyə görə onların müəlliflərinə 100 manat məbləğində pul mükafatının verilməsi nəzərdə tutulur.

Sərəncamda, həmçinin AMEA-nın elmi bölmələrinə tabeliklərində olan elmi müəssisələrin əməkdaşları tərəfindən 2018-ci ildə bu bazalarda indeksləşən jurnallarda dərc olunan məqalələrin siyahısının hazırlanması və iki həftə ərzində AMEA-nın Elm və Təhsil Baş İdarəsinin elmi-analitik şöbəsinə təqdim edilməsi barədə tapşırıq verilib.

Xatırladaq ki, AMEA prezidentinin müvafiq sərəncamına əsasən 2015-ci ildən etibarən akademiyanın alimlərinin elmi fəaliyyətinin stimullaşdırılması məqsədilə “Web of Science” və “Scopus” bazalarında indeksləşən jurnallarda dərc olunan hər bir məqaləyə görə pul mükafatı verilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.