İQTİSADİYYAT


“Wizz Air” Bakının nəqliyyat qovşağına çevrilməsi istiqamətində birgə fəaliyyətin aparılmasında maraqlıdır VİDEO

Budapeşt, 11 aprel, AZƏRTAC

Aprelin 11-də Azərbaycan Respublikasının Macarıstandakı səfiri Tahir Tağızadə ilə “Wizz Air” şirkətinin prezidenti Robert Keri arasında görüş keçirilib.

AZƏRTAC xəbər verir ki, T.Tağızadə Ukraynada baş verən gərginlik səbəbindən ölkəni tərk etmək məcburiyyətində qalan Azərbaycan vətəndaşlarının və onların ailə üzvlərinin ölkəmizə qayıtmalarına göstərilən dəstəyə görə qarşı tərəfə öz minnətdarlığını bildirib.

R.Keri öz növbəsində mövcud əməkdaşlıq əlaqələrindən məmnunluğunu ifadə edib və Bakı şəhərini nəqliyyat qovşağına çevirmək istiqamətində birgə fəaliyyətin aparılmasında maraqlı olduqlarını vurğulayıb.

Görüşdə tərəflər cari ilin aprelin 27-də Azərbaycan və Macarıstan arasında diplomatik əlaqələrin qurulmasının 30 illiyinin qeyd ediləcəyini nəzərə alaraq, bu münasibətlə səfirlik tərəfindən hazırlanmış loqo və nişanların “Wizz Air” şirkətinin təbliğat materiallarında əks etdirilməsi barədə razılığa gəliblər.

Bununla yanaşı, R.Kerinin yaxın gələcəkdə Bakıya səfəri imkanları müzakirə edilib.

Pərvanə Qarayeva

AZƏRTAC-ın xüsüsi müxbiri

Budapeşt 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.