CƏMİYYƏT


XIII Belarus beynəlxalq mediaforumunun qətnaməsi qəbul olunub

Minsk, 12 sentyabr, AZƏRTAC

Sentyabrın 12-də Minskdə “Gələcək naminə tərəfdaşlıq: media məkanı üçün rəqəmsal gündəm” mövzusunda keçirilən XIII Belarus beynəlxalq mediaforumunun qətnaməsi qəbul olunub.

AZƏRTAC xəbər verir ki, əvvəlcə Belarusun informasiya nazirinin birinci müavini Pavel Lyoqkiy forum iştirakçılarını qətnamənin mətni ilə tanış edib. Qətnamədə dünya media orqanları arasında təcrübə mübadiləsinin davam etdirilməsinin, ənənəvi mətbuatın mövqeyinin möhkəmləndirilməsinin, onun müasir tələblərə cavab verən rəqəmsal mediaya transformasiyası üçün birgə qlobal layihələrin həyata keçirilməsinin önəmi qeyd olunur.

Sənəddə vurğulanır ki, forum iştirakçıları informasiya təhlükəsizliyinin təmin olunması və yalan məlumatların yayılmasının qarşısının alınması üçün birgə mübarizə aparmalıdırlar.

Sentyabrın 12-də forum çərçivəsində müxtəlif mövzular ətrafında panel müzakirələr də aparılıb.

Mediaforumda 30-dək ölkədən 300 nümayəndə iştirak edir. İlk dəfə olaraq beynəlxalq mediaforuma Vyetnam, Monqolustan və Banqladeşdən də nümayəndə heyətləri qatılıb. İştirakçılar arasında, həmçinin Almaniya, Fransa, Avstriya, Bolqarıstan, ABŞ və İsraildən olan qonaqlar var. Forumda Azərbaycanı AZƏRTAC və Trend informasiya agentlikləri təmsil edir.

Emil Hüseynli

AZƏRTAC-ın xüsusi müxbiri

Minsk

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.